Porto, Ureno
Nahodha na mshambuliaji mkongwe wa timu ya taifa ya Ureno, Cristiano Ronaldo amesimamishwa kwenye timu hiyo na Shirikisho la Soka la Ureno (FPF) baada ya kuondoka katika kambi ya timu.
Ronaldo, 41, aliondoka katika kambi ya timu hiyo mwezi uliopita wakati timu ikiwa kwenye mashindano ya Nations League baada ya kuwekwa benchi katika mechi dhidi ya Norway.
Mchezaji huyo ambaye kwa sasa anaichezea klabu ya Al Nassr ya Saudi Arabia baadaye aligundua kuwa hangekuwa katika kikosi cha kwanza cha timu hiyo kwenye mechi nyingine dhidi ya Denmark.
Ronaldo ambaye ana rekodi ya kutwaa tuzo za Ballon d’Or mara tano inadaiwa kwamba matukio hayo mawili yalimkera na ndiyo sababu kubwa ya kuondoka katika kambi ya timu.
Katika taarifa yake baadaye Ronaldo alimlaumu kocha wa timu ya Ureno, Jorge Jesus akidai mara mbili kocha huyo alivunja uaminifu kwa kwenda kinyume na kauli zake.
Taarifa ya FPF hata hivyo ilieleza kuwa mchezaji huyo amesimamishwa kupitia taarifa ambayo ilitolewa Ijumaa, Oktoba 9, 2026 na uamuzi huo umechukuliwa kama wa dharura.
Kwa mujibu wa kanuni za FPF, mchezaji yeyote akishindwa kutokea au kuondoka katika majukumu ya timu ya taifa anakumbana na adhabu ambayo ni kusimamishwa mwezi mmoja hadi miezi sita pamoja na kutozwa faini.
Katika taarifa yake, Rais wa FPF, Pedro Proenc alionekana kupoza makali ya tukio hilo akisema kwamba huu ni wakati wa utulivu na kwamba wote watakaa chini kwa pamoja.
“Kuna shauku kubwa ya kuhakikisha tunaendelea kuwa pamoja na nahodha wetu, kuna taratibu za kawaida za kinidhamu,” alisema Proenic.
Kwa upande wake Ronaldo alikubali kuwajibika kwa kilichotokea na kuwaomba radhi wachezaji wenzake na mashabiki kwa kitendo alichokifanya na kuongeza kuwa ana haki ya kuadhibiwa.
Mchezaji huyo wa zamani wa Manchester United na Real Madrid, pia alisema hana mpango wa kustaafu kuichezea timu ya taifa wakati huu akipigania rekodi ya mabao 1000 akiwa hadi sasa ameifungia Ureno mabao 146 katika mechi 234.
