New York, Marekani
Mwanamitindo Amber Rose amesema kwamba alijua kuna talaka ilikuwa mbioni kati ya rapa, Kanye West na staa wa vipindi vya televisheni Kim Kardashian na ndio maana jambo hilo halikumshangaza hata kidogo.
Rose ambaye aliwahi kuwa na mahusiano ya kimapenzi na Kanye kati ya mwaka 2008 hadi 2010. mahusiano ambayo yalikua maarufu lakini alisema kwamba hakuwahi hata mara moja kuwaombea dua mbaya Kim na Kanye.
“Wakati wote nilikuwa nawatakia yaliyo mema, sikuwa na kinyongo chochote sikuwa kama vile nilikuwa na matumaini ya wao kuachana au wangefikia mwisho, mimi nilikuwa mwenye furaha wakati nikiwa kwenye ndoa yangu na Wiz (Khalifa),” alisema Rose.
Alipoulizwa kuhusu ukaribu wa yeye na Kim kwa sababu ya kuwa na tarehe moja ya kuzaliwa yaani Oktoba 21, Rose alisema, “Nafikiri siku yenu ya kuzaliwa inaweza kufanana lakini tumekuwa katika makuzi tofauti mimi nimekuwa katika umasikini, nililazimika kuhangaika na kupambana na yeye maisha yake yalikuwa vizuri, yenye pesa, kitu ambacho ni poa,” alisema Rose.
Kim na Kanye waliingia katika bifu baada ya kuachana ambapo, mwaka 2015, Kanye anakumbukwa kusema kwamba baada ya kuwa na Rose alilazimika kuoga mara 30 kabla ya kuanza mahusiano na Kim ambapo Rose alimjibu kwamba hakuwahi kumlaghai ila anawaachia kina Kardashian wamdhalilishe hadi watakapomaliza.
Amber Rose: Niliiona talaka kwa Kim, Kanye
Green SportsJuly 21, 20220
Read also
