Atlanta, Marekani
Zikiwa zimebaki dakika 11 kabla ya kutimia dakika 90 za kawaida kumalizika mechi kati ya Misri na Argentina, Misri walikuwa mbele kwa mabao 2-0 na kuibua matumaini makubwa kabla mambo hajaenda kombo.
Hadithi ya soka mchezo katili ilijidhihirisha katika mechi hiyo ya kusaka tiketi ya robo fainali ya Kombe la Dunia 2026 baina ya miamba hiyo, mechi iliyopigwa Jumanne Julai 7, 2026 kwenye Uwanja wa Atlanta.
Misri au Mafarao walikuwa wakihesabu dakika kuelekea kuweka historia ya kipekee kwa kuibwaga Argentina, mabingwa watetezi na kufuzu kwa mara ya kwanza hatua ya robo fainali ya michuano hiyo mikubwa ya soka duniani.
Mambo yalianza kuharibika kwa haraka, dakika ya 79, Cristian Romero aliipa Argentina bao la kwanza, dakika nne baadaye Misri wakajikuta wakifungwa bao la pili, mfungaji hakuwa mwingine bali ni yule yule, Lionel Messi.
Enzo Fernandez, katika dakika za nyongeza akakamilisha hesabu zilizozidisha maumivu Misri, akapachika bao la kichwa na kuwa bao la tatu kwa Argentina.
Huo ukawa msumari wa mwisho ulioamsha shangwe isiyo kifani kwa mashabiki wa Argentina huku wale wa Misri na Afrika wakiwa katika mshangao na hali ya kutokuwa tayari kuukubali ukweli.
Muda mfupi baadaye mwamuzi Francois Letexier alipuliza filimbi ya kumaliza mchezo huku ubao ukisomeka 3-2, sehemu kubwa ya wachezaji wa Misri wakaanguka chini wakiwa hoi, matumaini ya kufuzu robo fainali yakafutika.
Nini kiliwakuta Misri?
Hadithi mojawapo ya kichambuzi inadai kwamba wachezaji wa Misri walikuwa katika hali ya kupaniki baada ya Argentina kupata bao la kwanza na hiyo ikawa sababu ya kufungwa mabao mengine mawili.
Nje ya sababu hiyo zipo sababu za timu hiyo kukumbana na ukatili wa kisoka au kuhujumiwa, kwanza ni VAR kulikataa bao lao la pili ambalo lilifungwa na Mustafa Zico dakika ya 67.
Bao la Misri lililokataliwa badala yake liligeuzwa kuwa mpira wa adhabu kwa kilichoonekana kuwa Marwan Attia kudaiwa alimchezea ndivyo sivyo Lisandro Martinez.
Wakati tukio hilo linatokea Misri walikuwa mbele kwa bao 1-0 lililofungwa na Yasser Ibrahim dakika ya 15 na hivyo tukio la kunyimwa bao la pili likaonekana kama limechangia kuikatisha tamaa timu hiyo kwa kunyimwa bao lao halali.
Argentina walipambana kusawazisha na juhudi zao zilizaa penalti iliyotolewa baada ya Haissem Hassan kumchezea ndivyo sivyo Nicolas Tagliafico katika eneo la penalti.
Mashabiki wa Argentina walikuwa na matarajio makubwa kwa mpigaji wa penalti hiyo, Messi kufunga bao lakini kipa wa Misri, Mostafa Shobeir alimsoma vyema mpigaji na kuokoa mpira.
Haikushangaza kumuona Messi akitoka uwanjani huku machozi yakimtoka pengine hakuamini kama Argentina imetoka na ushindi na kufufua upya matumaini ya kulitetea taji hilo la dunia, matumaini ambayo yalianza kupotea.
Misri pia wanadai kunyimwa penalti baada ya mshambuliaji wao nyota, Mohamed Salah kuchezewa ndivyo sivyo katika eneo la penalti, wakati tukio hilo linatokea matokeo yalikuwa sare ya 2-2 huku bao la pili la Misri likifungwa kipindi cha pili na Mostafa Zico.
Kocha wa Misri, Hossam Hassan baada ya mechi hiyo alinukuliwa akisema kwamba timu yake haikutendewa haki, imekutana na matukio ya uonevu.
“Kuna mengi ya kuhoji ndani na nje ya uwanja, hadhi ya michuano, hadhi haipo kwa namna mambo yalivyojitokeza, labda walitaka bingwa mtetezi abaki kwenye mashindano, labda walitaka Messi aendelee kuwa hapa,” alisema Hassan.
Hassan alisema kwamba bingwa huyo mtetezi yaani Argentina alikuwa akiungwa mkono kwa kila hatua na kilichotokeza ni matokeo ya kuweka nguvu kwa ajili ya Argentina.
Kocha huyo pia alisema kwamba wao walinyimwa penalti na wala VAR haikutumika kwa ajili ya kufanya uhakiki na bao lao la pili katika namna ya kushangaza lilikataliwa.
