“Imani yake, uvumilivu, ujasiri na kujitoa kwake ni mambo yaliyogusa mioyo ya mamilioni ya watu na kumfanya awe kielelezo cha kiroho katika zama zetu,” ilieleza taarifa ya klabu ya Roma.

The post Papa Francis afariki, mechi Serie A zaahirishwa first appeared on Greensports: Michezo na Burudani.

Milan, Italia
Klabu ya Lecce ya Italia imemfuta kazi kocha wake, Roberto D’Aversa (pichani) baada ya kocha huyo kumpiga kichwa mshambuliaji wa Verona, Thomas Henry katika mechi ya Serie A ambayo Lecce ililala kwa bao 1-0.
D’Aversa, 48, na Henry kila mmoja alipewa kadi nyekundu baada ya tukio hilo ambalo lilitokana na mzozo ulioibuka mara baada ya mwamuzi kumaliza mchezo.
Akizungumza na waandishi wa habari baadaye, D’Aversa alikiri mwenyewe kwamba kosa alilolifanya halisameheki na siku moja baada ya mechi hiyo iliyochezwa Jumapili uongozi ulitangaza kumfuta kazi.
Klabu ya Lecce ilieleza kwa kifupi kuwa uamuzi wa kumfuta kazi kocha huyo ulitokana na tukio lililojitokeza baada ya mechi.
Kipigo hicho kinaifaya Lecce kushuka hadi nafasi ya 15 kwenye Ligi Kuu Italia maarufu Serie A ikiwa nafasi mbili nyuma ya Verona na hivyo kulisogelea janga la kushuka daraja.
Mambo kwa ujumla si mazuri kwa klabu ya Lecce kwenye Serie A kwa kuwa hadi sasa imeshinda mechi moja tu kati ya 12 za ligi hiyo kubwa nchini Italia ikiwa imepoteza tisa kati ya hizo na nyingine kutoa sare.
D’Aversa ambaye amewahi kuzinoa timu za Virtus Lanciano, Parma na Sampdoria alikabidhiwa jukumu la kuinoa timu hiyo majira ya kiangazi mwaka jana akichukua nafasi ya Marco Baroni.

The post Kocha atimuliwa kwa kumpiga kichwa mchezaji first appeared on Greensports: Michezo na Burudani.

Milan, Italia
Juventus imenyang’anya pointi 10 katika Ligi ya Serie A kwa makosa ya kwenda kinyume na taratibu za usajili na hivyo kupoteza nafasi ya kushiriki Ligi ya Mabingwa Ulaya msimu ujao.
Januari mwaka huu, klabu hiyo ilinyang’anya pointi 15 kwa kosa hilo lakini mwezi uliopita, uamuzi huo ulibatilishwa na mahakama ya juu ya michezo nchini humo baada ya Juve kukata rufaa.
Baada ya shauri hilo kupitiwa upya hatimaye uamuzi mpya wa kuinyang’anya Juve pointi 10 ulifikiwa jana Jumatatu na mahakama hiyo saa kadhaa kabla ya timu hiyo kufungwa mabao 4-1 na Empoli.
Kwa uamuzi huo, Juve sasa inashuka hadi nafasi ya saba kwenye Serie A na kuitoa rasmi kwenye Ligi ya Mabingwa Ulaya ambayo ni michuano mikubwa na yenye hadhi kwa ngazi ya klabu.

“Ni hali mbaya imetokea, uamuzi umekuja dakika 10 kabla ya mechi kumalizika,” alisema kocha wa Juve, Massimiliano Allegri.

Katika maombi yake ya kutaka uamuzi huo upitiwe upya, Juve pia ilitaka viongozi wake waliofungiwa wafutiwe makosa yao akiwamo aliyekuwa makamu mwenyekiti wa klabu hiyo, Pavel Nedved ambaye yeye na wenzake awali walifungiwa miezi minane kujihusisha na soka lakini sasa wamefutiwa adhabu.
Maofisa wengine wa klabu hiyo waliofutiwa adhabu ni Assia Grazioli Venier, Caitlin Mary Hughes, Paolo Garimberti, Enrico Vellano, Daniela Marilungo na Francesco Roncaglio lakini mwenyekiti wa zamani, Andrea Agnelli, ofisa mtendaji mkuu Maurizio Arrivabene pamoja na wakurugenzi wa michezo, Federico Cherubini na Fabio Paratici wataendelea kutumikia adhabu.
Baada ya adhabu ya kunyang’anywa pointi 10 kutolewa taarifa ya Juve iliyokuja baadaye ilieleza kuwa viongozi wataijadili taarifa hiyo baada ya kuisoma na kisha kuangalia taratibu za kukata rufaa.
Klabu ya Napoli tayari imetangazwa bingwa wa Serie A msimu huu wakati Juve kabla ya uamuzi wa kunya’anywa pointi 10 kufikiwa ilikuwa nafasi ya pili ikiachwa kwa tofauti ya pointi 17.
Uamuzi wa kuinyang’anya Juve pointi unatokana na uchunguzi wa sakata la miaka miwili kati ya 2019 hadi 2021 ambapo klabu hiyo inadaiwa kucheza michezo michafu katika usajili kwa kuficha baadhi ya nyaraka ikidaiwa kujipatia Euro 60 milioni.

The post Juve yapokwa pointi 10 Serie A first appeared on Greensports: Michezo na Burudani.

Naples, Italia
Klabu ya Napoli ya Italia hatimaye imebeba taji la Ligi Kuu Italia au Serie A ikiwa ni mara ya kwanza katika kipindi cha miaka 33 baada ya kutoka sare ya bao 1-1 na Udinese jana Alhamisi usiku.
Alikuwa ni Victor Osimhen aliyeifungia Napoli bao la kusawazisha lililoihakikishia timu hiyo pointi moja waliyohitaji ili kutangazwa mabingwa wa Seria A msimu wa 2022-23 baada ya kuwa nyuma kwa bao la mapema la Udinese lililofungwa na Sandi Lovric.
Napoli sasa watacheza mechi tano zilizobaki za ligi hiyo kwa raha zao wakiwania kuboresha rekodi za ushindi kwani tayari taji la Serie A lipo kwenye himaya yao na tayari jiji la Naples limeshalipuka kwa shangwe na nderemo za mashabiki tangu jana usiku.
Mara ya mwisho Napoli ilibeba taji la Serie A mwaka 1990 ikiwa na gwiji wa soka duniani na nahodha wa zamani wa Argentina, Diego Maradona baada ya kubeba taji lao la kwanza miaka mitatu kabla.
“Kuwaona watu wa Napoli wakiwa na furaha inatosha kukupa fikra za hali waliyo nayo kwa sasa katika fikra zao,” alisema kocha wa Napoli, Luciano Spalletti.

“Hawa watu watalilikumbuka tukio hili pale maisha yanapokuwa magumu, wana kila sababu ya kushangilia jambo hili, unajiona katika hali ya utulivu kwa kuwapa tukio la furaha ya aina hii,” alisema Spalletti.

Napoli mataji yake ya mwisho yalipatikana wakati za zama za Maradona ambaye pia alikuwa nahodha wa timu ya Taifa ya Argentina na ambaye uwanja wa klabu hiyo umepewe jina lake, mataji hayo yalibebwa mwaka 1987 na 1990.
Baada ya mafanikio hayo, Napoli iliangukia katika majanga ya kiuchumi ikafilisika na kushuka hadi ligi ya chini ya Serie C na ingawa waliwahi kubeba taji la Coppa Italia mara tatu, kiu ya mashabiki wa timu hiyo ilikuwa ni kubeba taji la Serie A, kiu ambayo hatimaye imekatwa rasmi jana usiku huku mashabiki zaidi ya 10,000 wakisafiri kutoka Naples ili kuishuhudia timu hiyo ikibeba taji hilo baada ya sare ya ugenini na wengine wakifurahia wakiwa nyumbani..

The post Napoli yatwaa taji Serie A first appeared on Greensports: Michezo na Burudani.