The post Yanga yaibutua Coastal 1-0 first appeared on Greensports: Michezo na Burudani.

Na mwandishi wetu
Siku kadhaa baada ya Coastal Union kutangaza kuachana na beki wake, Felly Mulumba, (pichani) uongozi umefunguka kuwa kikwazo ni umri wa beki huyo.
Akizungumza hivi karibuni na GreenSports, Ofisa Habari wa Coastal, Abbas El Sabri alisema mashabiki wa Wagosi Wakaya hao hawapaswi kuvunjika moyo kwa kuondoka kwa Mulumba kwani huo ni mchakato wa kuisuka Coastal bora zaidi.
“Hapana tatizo katika hilo, inafahamika Mulumba ni beki mkubwa, muhimu na alikuwa nguzo ya kutuliza timu lakini kwa kuangalia umri wake tumeona anahitaji kwamba tutafute vijana ambao wataleta nguvu na changamoto mpya,” alisema El Sabri.
Alieleza kuwa kwa sasa wanatengeneza kikosi ambacho kitadumu kwenye michuano ya kimataifa kwa takriban misimu mitatu baada ya msimu huu kufanikiwa kukata tiketi ya kushiriki Kombe la Shirikisho Afrika msimu ujao.
Coastal mbali na Mulumba, 36, pia imeondokewa na beki wake mwingine, Lameck Lawi, 18 aliyetangazwa kujiunga na Simba SC huku ikielezwa tayari kuna beki kisiki kutoka Uganda yupo kwenye mazungumzo ya kujiunga na timu hiyo ya mjini Tanga ili kuendeleza moto msimu ujao.

The post Coastal yataja sababu kumuacha Mulumba first appeared on Greensports: Michezo na Burudani.

Na mwandishi wetu
Baada ya sare tasa dhidi ya JKT, Yanga imeendeleza wimbi la ushindi katika Ligi Kuu NBC baada ya kuichapa Coastal Union bao 1-0 katika mechi iliyopigwa Jumamosi hii jioni.
Katika mechi hiyo iliyopigwa kwenye dimba la Azam Complex, bao hilo pekee lililoihakikishia Yanga pointi tatu lilifungwa na Joseph Guede dakika ya 75 akimalizia pasi ya Kennedy Musonda.
Dakika tano kabla ya kuingia kwa bao hilo, mambo yalianza kuwaharibikia Coastal walipolazimika kubaki wachezaji 10 uwanjani baada ya mwamuzi kumpa kadi nyekundu beki wa timu hiyo, Lameck Lawi.
Lawi alijikuta akipewa kadi hiyo baada ya kumvuta jezi kiungo mshambuliaji wa Yanga, Stephanie Aziz Ki ambaye alikuwa anaelekea kuipatia Yanga bao.
Kwa ushindi huo Yanga inaendelea kushikilia usukani wa ligi hiyo ikiwa imefikisha pointi 62 katika mechi 24 wakati Coastal Union inabaki katika nafasi ya nne ikiwa na pointi 33 nayo hadi sasa ikiwa imecheza mechi 24.
Azam inashika nafasi ya pili ikiwa na pointi 54 katika mechi 24 wakati mahasimu wa Yanga, Simba wao wanashika nafasi ya tatu wakiwa na pointi 46 katika mechi 21.

The post Yanga yainyuka Coastal 1-0 first appeared on Greensports: Michezo na Burudani.

Na mwandishi wetu
Klabu ya soka ya Coastal Union inazidi kujiimarisha kwa ajili ya msimu ujao wa 2022/23 baada ya leo kumtambulisha kiungo mshambuliaji Riguene Pembele raia wa DR Congo.
Mchezaji huyo anayeelezwa kusajiliwa kutoka Don Bosco ya nchini kwao amemwaga wino wa kuwatumikia Wagosi wa Kaya hao kwa mkataba wa miaka miwili baada ya uongozi wa timu hiyo kuridhishwa na kiwango chake.
Ofisa Habari wa Coastal, Jonathan Tito ameeleza kuwa safari hii usajili wao umelenga zaidi wachezaji wanaokipiga timu za taifa kama ilivyo kwa Pembele kwa kuwa wanaunda kikosi chenye ushindani maradufu kuelekea msimu ujao.
“Ujio wa Pembele kwetu una maana kubwa kutokana na kiwango chake na tumekuwa tukimfuatilia kwa muda sasa kabla ya kujiridhisha kumsajili, baadhi ya watu wetu ambao wanaufahamu mpira waliupa uongozi taarifa juu yake na baada ya kujiridhisha tumemchukua.
“Kiuhalisia bado hatujamaliza usajili, tutaendelea na zoezi hilo kwa sababu tuna wachezaji sita tutawatambulisha na wote ni wachezaji wenye tija, baada ya hapo tutakuwa tumefunga usajili tayari sasa kwa msimu ujao,” alisema Tito.
Mbali na Pembele anayemudu kucheza winga ya kushoto, kulia na kiungo mshambuliaji wa kati, wengine waliotambulishwa na timu hiyo ni Khatib Kombo kutoka Kipanga FC ya Zanzibar, kiungo mshambuliaji wa KMKM, Optatusy Lupekenya na mshambuliaji Omar Mbaruk kutoka Fountain Gate.
Pia yumo kiungo mshambuliaji, Djibril Olatoundji kutoka ASVO Benin, mshambuliaji kutoka KVZ ya Zanzibar, Maabad Maulid pamoja na kipa wa timu ya taifa ya Comoro, Mahmoud Mroivili.

The post Pembele wa DR Congo asaini Coastal first appeared on Greensports: Michezo na Burudani.

Na mwandishi wetu
Klabu ya soka ya Coastal Union ya Tanga leo imetambulisha wachezaji watatu wapya wanaomudu nafasi tatu tofauti uwanjani akiwamo kiungo kutoka nchini Benin lengo likiwa ni kujiweka sawa kuelekea msimu ujao wa 2022/23.
Coastal imeweka wazi kunasa saini ya kiungo mshambuliaji, Djibril Olatoundji kwa mkataba wa miaka miwili huku ikidaiwa kwamba mchezaji huyo ametoka katika klabu ya ASVO Benin ya nchini Benin anakotoka mchezaji huyo.
Mwingine aliyetambulishwa ni mshambuliaji kutoka KVZ ya Zanzibar, Maabad Maulid ambaye amesaini mkataba wa miaka miwili baada ya kufanya vizuri akiwa Zanzibar na kuibuka mfungaji bora kwa misimu miwili mfululizo iliyopita.
Wagosi wa Kaya hao pia wamemnasa kipa wa timu ya taifa ya Comoro, Mahmoud Mroivili na sasa kufanya idadi ya makipa kutoka Comoro kuwa wawili kwenye Ligi Kuu Bara baada ya awali Azam kumtambulisha Ali Ahmada kutoka taifa hilo pia.
Mbali na wachezaji hao, pia Coastal inatajwa kumalizana na beki wa kati, Khatib Kombo kutoka Kipanga FC ya Zanzibar, kiungo mshambuliaji wa KMKM, Optatusy Lupekenya na mshambuliaji Omar Mbrauku kutoka Fountain Gate.
Msimu uliopita Coastal ilionesha ushindani mkubwa kwenye Ligi Kuu Bara wakimaliza nafasi ya saba licha ya kuyumba mwanzoni mwa ligi huku ikitinga fainali ya Kombe la FA ikipoteza kwa matuta 4-1 dhidi ya Yanga baada ya sare ya 3-3 ya dakika 90, hivyo sasa timu hiyo inaonekana kujipanga zaidi kwa ajili ya msimu ujao.

The post Coastal yasajili kiungo wa Benin first appeared on Greensports: Michezo na Burudani.